Gjykata Penale cakton paraburgim për të dënuarit në rastin “Monstra”
Gjykata Penale pranoi kërkesën e Prokurorisë dhe caktoi paraburgim për të gjithë të dënuarit në rastin “Monstra”. Paraburgimi do të jetë në fuqi deri në marrjen e aktvendimit përfundimtar. Ndryshe, sot Gjykata Penale shqiptoi vendimin për të akuzuarit në rastin “Monstra”, ku Alil Demiri, Afrim Ismailoviç, Agim Ismailoviç dënohen me burgim të përjetshëm. Haki Aziri me 9 vjet burg ndërsa Fejzi Aziri me 15 vjet burg. Sami Luta është liruar nga aktakuza.
