Autoritetet ndalojnë hyrjen në Australi për Gjokovicin

Novak Gjokovic e ka të pamundur të hyjë në Australi, si pasojë e një problemi në dokumentacionin e tij. Tenisti serb ishte përgatitur të merrte pjesë në turneun e “Australian Open”, teksa me anë të një autorizimi do të shmangte edhe detyrimin për të qenë i vaksinuar.

Megjithatë, një mangësi në dokumentacion ku mungonte pikërisht autorizimi i sportistit për të mos qenë i vaksinuar, ka bërë që autoritetet vendase ta ndalojnë në aeroportin e Melburn dhe pas disa orësh të marrin vendim final, për të mos e lejuar të vijojë normalisht.

Numrit një të botës do t’i duhet të largohet nga Australia ditën e enjte, ndërsa avokatët e tij do të vazhdojnë betejën në mënyrë që Gjokovic të jetë prezent për të zhvilluar turneun e “Australian Open” që starton më datë 17 janar.

LEXO EDHE:

Back to top button