Video shqetësuese: Pamje nga vrasja e gruas gjatë protestave në Kongresin amerikan
Në rrjetet sociale është shpërndarë një video ku shihet se si qëllohet me armë zjarri gruaja që po protestonte brenda Kongresit amerikan.
— Tayler Hansen (@TaylerUSA) January 6, 2021
Mediat amerikane po raportojnë se gruaja që u qëllua dhe u vra gjatë sulmit në Kongres ishte një veterane e Forcave Ajrore të SHBA-së. Ajo mendohet të jetë qëlluar pasi hyri në ndërtesë së bashku me protestuesit e tjerë.
Transmetuesi amerikan Fox5 foli me vjehrrën e gruas e cila tha që ajo kishte qenë një mbështetëse e Trumpit.
Policia e Uashingtonit thotë se katër njerëz kanë vdekur gjatë sulmit në ndërtesën e Kongresit. Përveç një gruaje të qëlluar nga policia, tre të tjerë vdiqën si rezultat i “urgjencave mjekësore”. Deri më tani, më shumë se 52 persona janë arrestuar – 47 prej tyre për shkelje të rregullave të izolimit.
Ndryshe, mbrem mbështetës të presidentit në largim, Donald Trump, sulmuan dhunshëm ndërtesën e Kongresit, në përpjekje për të zhbërë fitoren e presidentit të zgjedhur, Joe Biden.