Inteligjenca artificiale e re e Google mund të modelojë ADN-në, ARN-në dhe ‘të gjitha molekulat e jetës’

Versionet e mëparshme të modelit Alpha Fold parashikuan vetëm struktura proteinike dhe Alpha Fold 3 shkon një hap më tej dhe mund të modelojë ADN, ARN dhe molekula më të vogla të quajtura ligande, duke zgjeruar aftësinë e modelit për përdorim shkencor. DeepMind Labs thotë se modeli i ri tregon një përmirësim prej 50 për qind në saktësinë e parashikimit në krahasim me modelet e tij të mëparshme.

Alpha Fold 3 ka një bibliotekë të strukturave molekulare. Studiuesit futin një listë të molekulave që duan të kombinojnë, dhe më pas Alpha Fold 3 përdor një metodë difuzioni për të gjeneruar një model 3D të strukturës së re.

Deep Mind thotë se Isomorphic Labs, një kompani për zbulimin e barnave e themeluar nga Hassabis, përdor Alpha Fold 3 për projekte të brendshme. Deri më tani, modeli ka ndihmuar kompaninë të përmirësojë të kuptuarit e saj për objektivat e reja të sëmundjes.

Google thotë se po punon me komunitetin shkencor dhe udhëheqësit politikë për të zbatuar me përgjegjësi modelin. Ata pretendojnë se kanë punuar me ekspertë në këtë fushë dhe specialistë të biosigurisë, kërkimit dhe industrisë për të përcaktuar rreziqet që lidhen me modelin Alpha Fold 3 përpara fillimit të tij.