Ish-gruas i duhet t’i paguajë 88 mijë euro, bëhet fjalë për dëmshpërblim për “punët e shtëpisë” gjatë 26 viteve martesë

Çifti i paidentifikuar u martua në vitin 1996 dhe në kohën kur u divorcuan në vitin 2022, gruaja punoi jashtë shtëpisë së familjes për gjithsej 205 ditë, duke iu përkushtuar rritjes së vajzës së saj dhe mirëmbajtjes së shtëpisë. Pas divorcit, burri qëndroi në shtëpinë e familjes dhe gruaja mori me qira banesën e saj. Në të njëjtën kohë, ajo duhej të gjente një punë për të mbajtur veten.

Për shkak se ajo kaloi 16 vjet si amvise, ajo ka të ngjarë të ketë një pension më të vogël, ndryshe nga ish-bashkëshorti i saj i cili ishte i përkushtuar për një karrierë profesionale. Për arsyet e mësipërme, gruaja ka kërkuar dëmshpërblim për vitet e kaluara në shtëpi dhe për gjithë punën që ka bërë.

Në aktgjykim fillestar është përcaktuar dëmshpërblim në shumë prej 120.000 euro dhe të dyja palët kanë paraqitur ankesë. Burri pranoi të paguante për të gjithë punën e gruas, por një shumë më të vogël (60,000 euro). Nga ana tjetër, ajo ka kërkuar një dëmshpërblim më të lartë (183 mijë euro).

Gjykata e provincës vendosi që dëmshpërblimi të jetë 88 mijë euro dhe ish-bashkëshorti të paguajë 350 euro në muaj pensionin e bashkëshortes për tre vitet e ardhshme.

Ekziston mundësia që të dyja palët të mund të ankohen në Gjykatën e Lartë.