Ish-kuzhinieri zbuloi sekretin e dietës së Ronaldos: Është në gjendje perfekte dhe nuk ha asgjë të shtrenjtë

Vitin e kaluar, Giorgio Barone foli hapur për dietën e një prej futbollistëve më të mirë në botë. Ai la punën e tij në Siçili në vitin 2018 dhe filloi të gatuante për Ronaldon. Barone mori një punë me portugezin kur Ronaldo u transferua në Torino për të luajtur për Juventusin, dhe kuzhinieri italian jetoi me Ronaldon për tre vjet përpara se futbollisti të transferohej në Manchester United.

“Ai ha ushqim të shëndetshëm dhe natyral. Peshk, pulë, vezë, viçi, avokado dhe oriz i zi. Nuk mungojnë perimet, sallatat, ushqimet e detit dhe proteinat, kryesisht peshku”.

Ky kuzhinier pohon se sekreti më i madh fshihet në një vaj kokosi të veçantë.

“Unë gatuaja ushqimin e tij me vaj kokosi. Për të ishte e rëndësishme të pinte shumë ujë të pastruar”, shtoi italiani.

“Ai është kampion për të gjithë. Një burrë i madh, një baba i madh, absolutisht i përkushtuar ndaj familjes së tij”, tha shefi i kuzhinës italiane.