Ivanka Trump i quan protestuesit “patriotë”, pastaj fshin postimin
Ivanka Trump, e bija dhe njëherësh këshilltarja e lartë e presidentit amerikan Donald Trump i ka cilësuar protestuesit e mbledhur brenda dhe jashtë Kongresit si “patriotë”.
Përmes një postimi në Twitter, të cilin e fshiu pak momente më vonë, Ivanka iu është drejtuar demostruesve si “patriotë amerikanë”. Ajo shtoi se “dhuna duhet të ndalet menjëherë. Ju lutemi të jeni paqësor.”
Kujtojmë se mbështetës të Presidentit Donald Trump, hynë në ambientet e Kongresit amerikan duke pezulluar seancën që pritej të mbahej për konfirmimin e mandatit të Joe Biden si president i ardhshëm i SHBA-së.
