Jonida Vokshi ndan një video shumë romantike me Besnikun
Jonida Vokshi dhe Besnik Krapi kurorëzuan dashurinë e tyre në martesë vitin që lamë pas dhe më 18 qershor të 2020 u bënë prindër të një vajze që e pagëzuan me emrin Emi.
Ata na kanë treguar disa herë momentet e tyre të bukura me të voglën e tyre, teksa vëmendje të madhe mori edhe Jonida me fizikun e përsosur menjëherë pas lindjes.
Dy javë pasi u bë nënë, moderatorja u rikthye në punë me energji të plotë, duke na surprizuar të gjithëve, teksa pjesën më të madhe të kohës të dy e kalojnë me vajzën e tyre.
Ndërkohë çifti simpatik nuk na i kursen as momentet romantike dhe i tillë ka qenë edhe ky i fundit. Moderatorja ka publikuar në Instastroy një video ku shihet Besniku i mbështetur në prehrin e saj teksa Jonida e përkëdhel në fytyrë.
Videon ajo e ka shoqëruar me një këngë që është kthyer në himn dashurie, siç është “All of me” nga John Legend!
