Juta Xhaz , rikthen pozitën e parë në Konferencën e Perëndimit
Juta Xhaz konsolidon kreun e renditjes në Konferencën e Perëndimit pas fitores 120-95 ndaj Çikagos, ndeshje e dominuar nga miqtë. Mitçell realizoi 30 pikë, mbështetur edhe nga Gobert me 21 pikë e 10 kërcimeve. Pa probleme fiton edhe Miluoki që ndodhet mes ekipeve kryesuese në Lindje.
Ekipi i Buks mposhti 140-113 Indiana, takim ku nuk ndikoi aspak mungesa e Xhianis Antetokounmpo te vendasit. Ai u zëvendësuar më së miri nga Holidej (28 pikë e 14 asist) e Midëllton (25 pikë). Fitore në sekondat e fundit korri Sharlot, që mundi 100-97 San Antonio (Hajuard 27 pikë).
Pas 8 fitoresh radhazi ndalet skuadra e Atlanta, që u mund 119-100 nga Klipers, një ndeshje me rivalitet. Leonard realizoi 25 pikë për kalifornianët, ndërkohë që 52 pikë u realizuan nga lojtarët e stolit. Shpreson për një vend në play off ekipi i Memfis, që mundi 132-126 Bostonin (Morant 29 pikë).
NBA – Rezultatet e sotme
Cleveland – Sacramento, 105-119
Minnesota – Oklahoma, 103-112
San Antonio – Charlotte, 97-100
Chicago – Utah Jazz, 95-120
Houston – Toronto, 117-99
Memphis – Boston, 132-126
Milëaukee – Indiana, 140-113
Clippers – Atlanta, 119-110