Kamçev lirohet nga paraburgimi

Gjykata e Apelit, konfirmoi për Alsat se ia hoqi paraburgimin biznesmenit Orce Kamçev.

Kamçev ka dhënë një garanci prej afro 11 milionë euro, të cilat gjykata i ka pranuar në këmbim të masës së sigurimit.

Tani Kamçev do të duhet të paraqitet në gjykatë një herë në javë, por nuk do të mund të largohet nga qyteti i Shkupit.

Kamçev po gjykohet në rastin Parcelat e Vodnos.

Javën e kaluar, Alsat raportoi se për të njëjtin gjykim edhe Sasho Mijalkov, u lirua nga burgu me një garanci prej pak më shumë se 11 milionë euro./Alsat.mk