Kanello Alvarez mund Smitin dhe unifikon titujt

Boksieri meksikan Saul Kanelo Alvarez mposhti me vendim unanim të gjyqtarëve britanikun Kallum Smit, duke unifikuar titujt kampionë bote në peshën super të mesme. Të tri gjyqtarët i dhanë fitoren boksierit meksikan: 119-109, 119-109 dhe 117-111.

Tashmë Alvarez mban titujt e kategorive VBA dhe VBC në peshën super të mesme, duke qenë edhe kampion bote në 4 kategori të ndryshme peshash. Sfida e zhvilluar në San Antonio u dominua nga Canelo Alvarez, që e meritoi fitoren edhe pse Smith rezistoi deri në fund. Grushtet e meksikanit bënë diferencën, duke mos i dhënë asnjë shans britanikut Smith të fitojë.

Për Kanelo Alvarez ky është suksesi nr.54, ndrëkohë që numëron edhe 1 humbje e 2 barazime. Ndërsa për Smith kjo ishte humbja e parë në karrierë, që vjen pas 27 fitoresh radhazi.