Kaos në Shkup me emrat e rrugëve
Gazetar: Evi Shkopi
Kjo banore e lagjes Gazi Babë, në Qytetin e Shkupit, nuk mund të aplikojë për dokumente të reja identifikimi pasi në sportelin e Çështjeve Administrative të MPB-së i kanë thënë se adresa e vjetër i është fshirë, ndërsa vërtetim për adresë të re nuk po merr dot. Duke mos mundur të aplikojë për letërnjoftim të ri, banorja e Gazi Babës që shpalosi shqetësimin e saj për kamerën e Alsat rrezikon të humbasë shumë të drejta, në mesin e të cilave edhe ndihmën sociale.
“Kur shkova ta ndërroj, duhet adrese të re thanë. 00:40 Ata thonë se nuk ekziston ajo adrese më, sepse është adrese e vjetër dhe duan adresë të re. 05:13 Po kam mbetur unë, as në atë anë, as në këtë anë. Më thanë të shkoj tek Komuna e Shkupit. 05:47 Do të kem problem, s’do mundem të nxjerr asnjë dokument”, tha një banore e Gazi Babës
Zanafilla e këtij problemi është në mars të vitit të kaluar. Këshilli i Qytetit të Shkupit, kur me këtë komunë drejtonte Petre Shilegov, miratoi vendimin për ndryshim të emrave të qindra rrugëve. Pas mendimit pozitiv nga Qeveria, Qyteti i Shkupit ka dërguar listën në Regjistrin Qendror që të bëjnë ndryshimin e emrave në Regjistrin e Adresave. Punonjësit e këtij institucioni kanë vërejtur se për 32 emra Qeveria nuk ka dhënë aprovim. Alsat ka siguruar listën e emrave, të cilët nuk kanë marrë dritë jeshile nga Qeveria.
Emrat e Rrugëve që s’kanë marrë miratim nga Qeveria (nuk lexohet)
“ Vojvoda Vasil Çakalarov Krste Asenov
Goce Stojçevski Ambarçe Sonce
Nikolla Martinovski Vojdan Çernodrinski
Dobri Daskallov Pançe Nedellkovski
Pere Toshev Lazo Trpovski
Mara Isaja Alija Avdoviq
Vullnet Starova Adolf Ciborovski
Abdurahman Shala Ljuba Uvanoviq
Cetinska Lazar Moskov
Kosturska Ljuboten
Crveni Bregovi Solunska
Vtora Makedonska Brigada Atana Babata
Vojvoda Vasil Axhillarski Sremski front
Fushtanska Ante Popovski
Kosturski Heroi Stiv Naumov
Pllishtad karposhovo vostanie Stiv Naumov
Drejtoresha e Regjistrit Qendror, Marija Boshkovska Jankovski, thotë se ka kërkuar nga Qyteti i Shkupit që të marrin aprovim nga Qeveria edhe për 32 emrat në fjalë. Ajo thotë se qytetarët që jetojnë në këto 32 rrugë që s’kanë marrë emra të rinj, nuk duhet të kenë problem me sigurimin e dokumenteve pasi sipas saj, në Regjistrin e Adresave qëndrojnë emrat e vjetër. Për këtë problem ajo thotë se pak javë më parë kanë realizuar takim me përfaqësues të Qytetit të Shkupit dhe Ministrisë së Punëve të Brendshme.
“Ne e informuam Qytetin e Shkupit dhe kërkuam që të bëhet plotësim i njoftimit. Për pjesën tjetër të emrave për të cilat kanë aprovim nga Qeveria në kemi kryer ndryshimin nga emri i vjetër në të ri. 03:20 Ndërsa për 30 të tjerët për të cilat s kanë aprovim dhe janë kontestues qëndrojnë emrat e vjetër. 04:25 Dihet saktë cila rrugë, farë emri mban. 05:07 Ne nuk e fshijmë emrin e vjetër”, tha Marija Boshkovska Jankovski- drejtore e Regjistrit Qendror
Nga Qyteti i Shkupit nuk ishin të gatshëm të japin detaje rreth situatës së krijuar, duke lënë të hapura dilemat se si planifikojnë të zgjidhin këtë çështje.
“Për më shumë se 10 ditë pritem nga kryetarja Qytetit të Shkupit, Danella Arsovska po person tjetër kompetent në Qytetin e Shkupit, që të prononcohen, të na japin një deklaratë për t’u përgjigjur në pyetjet: sa qytetarë po përballen me këtë problem, … si do të zgjidhet ky problem dhe sa kohë do të duhet për zgjidhjen e të njëjtit dhe ku është krijuar e gjithë ngatërresa. Pavarësisht këtij harku kohorë patën në dispozicion , nga ky institucion nuk u treguan të gatshëm për bashkëpunim”, raporton gazetarja e Alsat, Evi Shkopi
Alsat mëson se edhe dhjetëra qytetarë të tjerë përballen me të njëjtin problem. Ndryshimi i emrave të rrugëve ka krijuar një katrahurë të vërtetë administrative. Jo të gjitha institucionet në vend janë të harmonizuara mes tyre. Disa funksionojnë me emrat e vjetër, e disa me emrat e rinj. Kjo bën që qyetarëve shpeshherë të mos u mbërrijnë në adresën e tyre dokumentet, apo thirrjet nga gjykatat. Qytetarët rendin nga një institucion në tjetrin për t’u pajisur me dokumentet e nevojshme. Megjithatë, nga Ministria e Punëve të Brendshme thonë se deri tani asnjë qytetarë nuk ka paraqitur ankesë zyrtare për mohim të të drejtës për t’u pajisur me dokumente identifikimi. Se Qyteti i Shkupit nuk ka kërkuar aprovim nga Qeveria për 32 emrat e përmendur më herët e konfirmuan për Alsat edhe nga ekzekutivi. /Alsat.mk