Kapello: Reali një ekip që nuk ekziston, Mbape u zhduk në terren
Real Madrid është në krizë rezultatesh në Ligën e Kampionëve, me vetëm 6 pikë të arritura në pesë ndeshjet e para. Pas atyre ndaj Lille dhe Milanit erdhi një tjetër humbje, ndaj Liverpullit në Anfield 2-0, me Mbappe që ishte protagonist negativ për penalltinë e humbur 1-0.
Fabio Capello, i pranishëm në studiot e Sky Sport, komentoi momentin e keq të “Los Blankos.
“Është një ekip që nuk ekziston, ata shkojnë të luajnë dhe nuk luajnë si vitin e kaluar. Një lojtar i ri ka ardhur, Mbappe, por u zhduk sapo mberriti. Pashë një Liverpull të madh kundër Real Madridit, ata treguan se me të drejtë ishin të parët si në Ligën e Kampionëve ashtu edhe në Premier Ligë.
Karlo Ançelotti sakaq e mbron sulmuesin francez.
“Mbape ka të gjithë mbështetjen tonë dhe së shpejti do ta kthejë situatën ne favorin e tij. Kylian eshtë një lojtar i jashtëzakonshëm, ne duhet të jemi të durueshëm. Ai po bën mirë dhe po përshtatet mirë. Do thjesht kohen e nevojshme.
Edhe Bellingami i ka dale ne krah.
“Penalltia e humbur nga Mbape? ndodh. Humbja e penalltisë nuk është arsyeja pse ne humbëm ndeshjen. Ne nuk ishim mjaftueshëm të mirë si kolektiv, ata luajtën më mirë dhe e merituan”.
