Pyetje deputetësh në Kuvend

Kuvendi sot do të mbajë seancën e 21-të, në rend dite të së cilës janë edhe pyetjet e deputetëve. Një seancë e tillë plenare zakonisht mbahet çdo të enjte të fundit të muajit. Sipas Rregullores së re të Punës së Kuvendit, këtë muaj ka pasur pyetje deputetësh edhe më 21 nëntor dhe seanca ka zgjatur dy orë.

Kuvendi më pas bëri me dije se mbajtja e kësaj seance me pyetje deputetësh është në përputhje me nenin 42 të Rregullores së Punës të miratuar në vitin 2023, e cila fillon të zbatohet nga ky mandat.

Sipas Rregullores, pyetjet e kryeministrit dhe ministrave i bëjnë fillimisht deputetët e opozitës.