“Kemi bërë shumë hapa para, pasi nuk ishim të kënaqur me vendin ku ishim”

Në prag të ndeshjes së dytë çerekfinale të Ligës së Kampionëve ndaj Napolit, mbrojtësi i Milan, Simon Kjaer fokusohet edhe në rrugëtimin personal te “kuqezinjtë” që filloi në vitin 2020.

Danezi tha në konferencën për mediet se kjo që po ndodh për të është një ëndërr.

“Një gëzim të jem te Milan, një nga ëndrrat e mia kur isha i vogël. Më pas rruga që morëm si ekip me trajnerin… Kam pasur një ëndërr kur arrita këtu. Ne kemi bërë shumë hapa. Çdo ditë ne përpiqeshim të përmirësoheshim, duke mos qenë të kënaqur me vendin ku ishim. Ne të gjithë kemi nënshkruar 3 vjet më parë që të jemi këtu sot,” tha ai.