“Këpuca e Artë”: Kejn pa konkurencë, Mbape në vendin e dytë
Hari Kejn tashmë duket se është i paarritshëm dhe pritet ta fitojë “Këpucën e Artë”. Sulmuesi anglez me 33 gola të realizuar deri tash në Bundesligë, e ka një distancë të madhe ndaj Kilian Mbape, i cili e kaloi Serhou Guirasy pas dygolëshit të shënuar ndaj Lorientit.
Lautaro Martinez, i cili nuk arriti të shënonte as në derbin me Milanin, ka mbetur jashtë podiumit, ndërsa sulmuesi i Interit, i cili nuk e ka gjetur golin në shtatë ndeshjet e fundit, prej së cilave është inkuadruar në lojë pesë herë, ndaj ndan vendin e katërt me Luis Opendan e Lajpcigut.
Klubet e mëdha angleze dhe ato spanjolle kanë mbetur prapa me përfaqësuesit e tyre në këtë aspekt. Erling Haaland, i cili ishte dominues absolut në sezonin e kaluar, është i gjashti së bashku me Koll Pallmerin e Çellsit, derisa Xhud Bellingham është vetëm i 16-ti, prapa Victor Gojkeres të Sportingut, njërit prej lojtarëve më të kërkuar së fundmi në treg.
Renditja
Hari Kejn (Bajern Munih) – 66 pikë
Kilian Mbape (PSZH) – 52
Serhou Guirasi (Shtutgarti) – 50
Lautaro Martinez (Inter) – 46
Lois Openda (Lajpcig) – 46
Erling Haaland (Man. Siti) – 40
Koll Palmer (Çellsi) – 40
Luuk de Jong (PSV) – 39
Vangelis Pavlidis (AZ) – 39
Olie Vatkins (Aston Villa) – 38 pikë.