Këshilla për sezonin e rriqrave!

Sezoni i rriqrave zgjat nga prilli deri në shtator, prandaj është e rëndësishme të dini paraprakisht se si t’i hiqni ato siç duhet nga lëkura nëse është e nevojshme.

Nga sëmundjet infektive, meningoencefaliti, ndër të tjera, transmetohet nga rriqrat. Është një sëmundje inflamatore e sistemit nervor qendror, pamja klinike e së cilës mund të variojë nga një ftohje deri në inflamacion të rëndë të trurit. Për më tepër, këtu përfshihet ethet hemorragjike Kongo-Krime, e cila shfaqet shumë rrallë në zonën tonë, por çon në një çrregullim serioz në koagulimin e gjakut dhe shkakton gjakderdhje të bollshme dhe mund të përfundojë me vdekje. Këpusha mund të transmetojë edhe rikeciozën, e cila mund të zhvillohet në një formë më të rëndë, por edhe sëmundjen Lyme, e cila sulmon të gjithë organizmin, veçanërisht lëkurën, sistemin nervor, kyçet dhe zemrën.

Ekspertët thonë se mënyra më e mirë për t’u mbrojtur nga rriqrat është të vishni rroba të gjata gjatë qëndrimit në natyrë dhe të aplikoni një agjent mbrojtës. Edhe pse rriqra mund të duket e padëmshme, duhet të jeni gjithmonë të kujdesshëm për të.

Kur dalloni një rriqër të ngjitur në trupin e njeriut, para së gjithash duhen duar të pastra dhe piskatore të dezinfektuara. Me mjet, insekti kapet me kujdes në zonën e kokës, d.m.th. sa më afër lëkurës. Pastaj nxirret butësisht, ngadalë dhe me tërheqje të njëtrajtshme, pa asnjë përdredhje. E rëndësishme: rriqrat duhet të hiqen tërësisht – jo të grisura dhe pa dëmtuar lëkurën. Nuk rekomandohet vaj, benzinë, akull apo agjentë të tjerë të ngjashëm, theksojnë mjekët.

Në rast se koka ose goja e insektit nuk mund të hiqet, ajo duhet të nxirret më tej me piskatore – pa dëmtuar lëkurën.

Nëse kjo nuk funksionon, shkoni në institucionin më të afërt shëndetësor. Është e rëndësishme të ekzaminoni vendin e pickimit, ta dezinfektoni atë dhe të kontrolloni edhe një herë nëse gjithçka është hequr nga lëkura.

Nëse ndodh ënjtje ose ndryshime të tjera të lëkurës, duhet të aplikohet një ilaç antialergjik në vendin e pickimit. Mbrojtja antimikrobike pas pickimit të rriqrës zakonisht përcaktohet nga një mjek kompetent bazuar në shenjat dhe simptomat shoqëruese.

Nuk rekomandohet: copëtimi i rriqrës, djegia me cung, as aplikimi i kremës, yndyrave apo vajrave pas pickimit, gjë që është joefektive, por edhe kundërproduktive dhe e rrezikshme për shëndetin.