Kjaer: “Kush nuk ka uri, më mirë të qëndrojë në shtëpi”

Skuadra e Milanit u ndal nw barazim pa gola nw terrenin e Kremonezes, e cila ende nuk ka shijuar asnjw fitore nw Seria A. Simon Kjaer, mbrojtësi i Milanit, foli për “Sky Sports”, pas barazimit pa gola në fushën e Kremonezes.

“Nuk më pëlqen justifikimi se jam i lodhur mendërisht. Ka momente në ndeshje ku duhet të jesh zgjuar dhe të gjesh golin, sot e humbem. Ndodhi edhe me Spezian, pastaj fituam me një gol të madh të Giroud. Ky është futbolli, ka momente të lehta dhe të tjera më të vështira”.

Fundi i urisë?

“Nëse ka mbaruar uria, atëherë ne duhet të ndalojmë së bëri këtë punë. Ata që nuk janë të uritur duhet të qëndrojnë në shtëpi, por ky nuk është rasti ynë.”

Distanca nga Napoli?

“Napoli po bën shumë mirë, duhet të mendojmë vetëm për veten tonë. Sot humbëm dy pikë, të dielën duhet të shënojmë tre pike. Gjithçka varet nga ne.”

A ka presion psikologjik për të luajtur gjithmonë pas Napolit?

“Nuk e di nëse ka këtë presion, ne duam të fitojmë. Ne e dimë se duhet të fitojmë çdo ndeshje, ky është mentaliteti i Milanit. Sot duhej të fitonim, nuk ka asgjë për të thënë më shumë. Gjithmonë ka momente më të vështira në sezon”.

A është Napoli më i fortë se ju?

“Unë nuk shoh shumë ndeshje, shikoj gola vetëm kur ha mëngjes. Nuk më intereson të shikoj ndeshjet e të tjerëve, nuk është puna ime.” “Gjatë një ndeshjeje ka shumë momente të veçanta që bëjnë diferencën dhe ne kemi vuajtur, këto janë gjëra që duhet t’i përmirësojmë. Ka shumë ndeshje në të cilat nuk ka shumë kohë. Për t’u stërvitur, sot duhej të fitonim pa justifikime. Sot dolëm mirë në disa raste, por na munguan detajet për të përfunduar,” tha mes tjerash Kjaer.