Klop kërkon sulmuesin e Milanit, gati të ofrojë edhe Diazin

Jyrgen Klop dëshiron të kryejë revolucion te Liverpulli në verë dhe për sulmin ka menduar një emër të madh. Siç raporton “TeamTalk”, objektivi është Rafa Leao i Milanit. Portugezi është profili i duhur dhe i preferuar për teknikun gjerman dhe lojtari portugez e ka treguar se është një talent i klasit botëror.

Leao ka një klauzolë të lartë, por për ta bërë të mundur këtë transferim, Klop mendohet se është i gatshëm të ofrojë Luis Diaz.

Kolumbiani pati një start të mrekullueshëm me Liverpullin këtë sezon, por dëmtimi që pësoi e la jashtë fushave për një kohë të gjatë./abcneës/