Konfirmohet: Bruce Lee vdiq sepse pinte shumë ujë!

Aktori legjendar vdiq në moshën 32 vjeçare nga edemë cerebrale në korrik 1973. Në atë kohë, vdekja e Lee mendohej të ishte një reagim ndaj meprobamatit qetësues, i cili ishte pjesë e një qetësuesi të quajtur Equagesic që Bruce Lee po merrte para vdekjes së tij. Megjithatë, sapo është publikuar një studim mjekësor që pretendon të kundërtën.

Në një punim të ri të botuar nga shkencëtarët në Clinical Kidney Journal, sugjerohet se edema e Lee është shkaktuar nga hiponatremia.

“Me fjalë të tjera, ne argumentojmë se paaftësia e veshkave për të nxjerrë ujin e tepërt e vrau Bruce Lee-n”, shkruan ata.

Shkencëtarët kanë vënë në dukje disa faktorë, duke përfshirë dietën e Lee në atë kohë, e cila përfshinte shumë lëngje dhe pije proteinike, dhe përdorimin e tij të marihuanës, e cila rrit etjen.

“Në përmbledhje, Lee kishte faktorë të shumtë rreziku që e predispozuan atë për hiponatremi si rezultat i ndërprerjes së mekanizmave të homeostazës së ujit që rregullojnë marrjen dhe ekskretimin e ujit.

Ne supozojmë se Bruce Lee vdiq nga një formë specifike e mosfunksionimit të veshkave: paaftësia për të nxjerrë ujë të mjaftueshëm për të ruajtur homeostazën e ujit. Ironikisht, Lee citoi në mënyrë të famshme citimin “Bëhu si uji, miku im”, por duket se uji i tepërt përfundimisht vrau atë”, shkruan ai në këtë punim shkencor.