Kupa e Italisë, vendoset sot finalisti i parë mes Juventus dhe Inter

Juventus përballë Inter. Për të tretën herë në harkun e 3 javëve, por me ndeshjen që këtë herë luhet në shtëpinë e bardhezinjve. Dy rivalët historikë të kampionatit italian përplasen sërish, këtë herë për të vendosur se cila do të jetë skuadra që do të shkojë në finale.

- Advertisment -

Ndërsa në kampionat të dy skuadrat i përgjigjen dhëmbë për dhëmbë, javë pas jave, në aktin e dytë gjysmëfinal, “zonja e vjetër” është e favorizuar prej fitores 2-1 në 90 minutat e luajtura në “San Siro”, nën shenjën e Cristiano Ronaldos.

Fitorja në Torino e Inter mungon prej vitit 2013, megjithatë referuar ballafaqimeve të fundit, skuadra e Conte vjen këtë herë në formë më optimale. Fitore në fundjavë ndaj Fiorentinës, dhe grupi i lojtarëve që plotësohet me rikthimin e Lukakut dhe Hakimit që munguan prej kartonave në ndeshjen e parë. Optimizimi do të ishte i plotë për Antonio Conten nëse nuk do të mungonin këtë herë Sanchez dhe Vidal, edhe ata për të njëjtën arsye nga gjysmëfinalja e parë.

Pirlo në kampin tjetër konfirmon Buffon në portë, Cuadrado që pushoi në ndeshjen ndaj Romës dhe Bentacour që lë pas skualifikimin në kampionat. Lajmi i mirë është stërvitja e plotë dhe me grupin e Paolo Dybala që ka hedhur pas dëmtimin dhe shpreson të jetë i gatshëm për ndeshjen ndaj Inter.

Skuadra që do të kalojë në finale, gjen një mes Atalantës dhe Napolit, që kanë garë të hapur në anën tjetër.

 

LEXO EDHE:

Back to top button