Në këtë zonë rurale të rrethuar nga male dhe pyje, ndalohet përdorimi i celularëve, Wi-Fi, furrat me mikrovalë dhe të gjitha pajisjet e tjera që përdorin valët e radios.

Radio teleskopi më i madh rrotullues

Shumica e transmetuesve në zonën qendrore të Zonës së Qetë duhet të funksionojnë me fuqi të reduktuar në mënyrë që të mos ndërhyjnë në punën e shkencëtarëve të përqendruar rreth Observatorit Green Bank, i cili strehon një nga radio teleskopët më të mëdhenj në botë.

Kjo pajisje astronomike për marrjen dhe matjen e fuqisë së valëve të radios hapësinore ka një “pjatë” deri në 100 metra në diametër dhe u emërua pas senatorit të ndjerë amerikan Robert C. Byrd, i cili mbrojti financimin dhe ndërtimin e saj. Ky radio teleskop rrotullues, që kur u ndërtua dhe u instalua në Virxhinia Perëndimore në vitin 2000, ka qenë i rëndësishëm në disa zbulime të rëndësishme hapësinore.

Kush jeton në zonën e qetë?

Zona e Qetë frekuentohet nga shumë krijues, shkrimtarë dhe artistë që kënaqen duke qenë “jashtë rrjetit”, si dhe njerëz që vuajnë nga mbindjeshmëria elektromagnetike.

Sindroma e elektrondjeshmërisë ose e ashtuquajtura Alergjia ndaj rrezatimit elektromagnetik të emetuar nga pajisjet elektronike, është vërejtur për herë të parë në vitet tridhjetë të shekullit të kaluar, dhe manifestohet me dhimbje koke të forta, ndryshime në frymëmarrje, rrahje të shpejta të zemrës etj.