Lë një vajzë të vdiste nga etja, dënohet me 10 vjet burg gruaja gjermane
Një grua gjermane dhe ish-anëtare e grupit të vetëshpallur të Shtetit Islamik (IS) u dënua të hënën me 10 vjet burg nga një gjykatë e Mynihut, pasi la një vajzë jazide të skllavëruar në Irak të vdiste nga etja.
Jennifer Wenisch, 30 vjeç, e akuzuar për krime lufte dhe vrasje, mund të ishte dënuar me burgim të përjetshëm.
Rasti historik ishte një nga gjyqet e para në botë që ndiqte penalisht një krim lufte kundër jazidëve, një pakicë kurdo-folëse e persekutuar dhe e skllavëruar nga xhihadistët në Irak dhe Siri.
Rreth 10 mijë njerëz Yazidi u vranë në Irakun verior dhe rreth 7 mijë gra dhe vajza jezide, disa prej tyre të moshës nëntë vjeç, u skllavëruan dhe u transferuan me forcë në vende të Irakut dhe Sirisë lindore.
