Lebron Xhejms kalon Brajantin dhe Xhordanin
Basketbollisti i Los Anxhelos Lejkersit, LeBron Xhejms, në ndeshjen që skuadra e Lejkersit e zhvilloi ndaj Bruklinit (fituan Nets 109-98) arriti kuotën e 35 mijë pikëve në karrierën e tij në NBA, duke u bërë basketbollisti i tretë që arrin këtë shifër.
Në krye të renditjes së pikëshënuesve më të mirë ndodhet Karim Abdull-Xhabar me 38.387 pikë, ndërsa i dyti është Karll Melloun, me 36.928 pikë. Në “top-5” janë edhe dy ikona të NBA-së, si Kobi Brajant (i katërti me 33.643 pikë) dhe Majkëll Xhordan (i pesti me 32.292 pikë).
