Leeds ndal Chelsean, barazojnë pa gola
Ndeshja hapëse e ditës së shtune në Premier Ligën angleze, ajo mes Leeds United dhe Chelseat ka përfunduar pa fitues.
“Blutë” e Londrës barazuan 0:0 si mysafirë të skuadrës së Marcelo Bielsas, ku ndeshja u zhvillua në stadiumin e Leeds në “Elland Road”, përcjell KosovaPress.
Me këtë barazim, Chelsea arrin në kuotën e 51 pikëve, dy më pak se vendi i tretë Leicester, tre më pak se Manchester United dhe 17 pikë më pak se lideri i tabelës, Manchester City.
Në anën tjetër, Leeds gjendet në vendin e 11-të, me 36 pikë, një më shumë se Wolverhampton që pozicionohet në vendin e 12-të.
