“L’Equipe” zbuloi se kur sulmuesi francez e kishte vendosur për largimin nga PSZH

Ishte ky janar, kur Kilian Mbappé informoi PSZH-në se do të largohej nga Parisi. Megjithatë, “L’Equipe” zbuloi se sulmuesi francez e kishte marrë tashmë këtë vendim prej disa muajsh. Konkretisht, revista e njohur sportive franceze siguroi se ai e mori atë vendim në dhjetor 2023, pasi kishte arritur marrëveshje parimore me Real Madridin.

Mbape nuk donte ta shpallte atë vendim deri në shkurt. Madje, në janar tha para mediave se nuk kishte marrë asnjë vendim për të ardhmen e tij. Diçka që sipas “L’Equipe” nuk ishte e vërtetë. Mediat konfirmuan se Mbape i kishte thënë presidentit të PSZH-së që të mos i paraqiste më shumë oferta rinovimi, sepse e kishte marrë tashmë vendimin për t’u larguar nga PSZH.

Fati i tij nuk dihet, edhe pse të gjithë supozojnë se do të shkojë te Real Madridi këtë verë. Ka nga ata që thonë se tashmë gjithçka është rënë dakord mes dy palëve, por ka të tjerë që sigurojnë se ende mungojnë detajet për të nënshkruar një marrëveshje përfundimtare.