Libri komik me figurën e “Superman”, u shit për 6 milionë dollarë në ankand

Libri komik me figurën e “Superman”, i prodhuar në vitin 1938, u shit për 6 milionë dollarë në ankand. Numri një i revistës “Action Comics” me figurën e “Superman” u shit me një vlerë rekordi botëror prej 6 milionë dollarësh, duke u bërë kështu, edicioni komik më i vlefshëm që ekziston.

“Superman” u krijua nga shkrimtari Xherri Siegel dhe ilustruesi Xho Shuster në fillim të viteve 1930. Action Comics u shit për 10 cent, ekuivalente me rreth 2 dollarë sot, në një seri prej rreth 200.000 copë. Një total prej më shumë se 25 milionë dollarësh libra komikë u shitën gjatë fundjavës në ankandin e Heritage në Dallas dhe online.