Lukashenko bën thirrje për marrëdhënie më të mira me BE-në

Presidenti i Bjellorusisë, Aleksandër Lukashenko është i njohur për retorikën e tij luftarake, por në një takim me krerët e sektorit të aviacionit sot në Minsk ai pati një ton shumë më pajtues kur fliste për Perëndimin.

Ai u tha të mbledhurve në aeroportin kombëtar se donte të ruante marrëdhëniet me anëtarët e Bashkimit Evropian, raportoi RIA Novosti.

“Ne jetojmë kryesisht në kurriz të Lindjes – Rusisë, Kinës. Por ne nuk duhet të harrojmë Perëndimin e teknologjisë së lartë,” tha ai.

“Ata janë afër, ata janë fqinjët tanë – Bashkimi Evropian – dhe ne nuk mund t’i humbim marrëdhëniet me ta.”, shtoi lideri bjellorus.