Manaskov: Ngjarjet në Ukrainë rrezik për krizë më të madhe energjetike dhe ekonomike

Kryetari i Odës ekonomike për energjetikë, Gjorgji Manaskov, në emisionin “Magazina Ekonomike” në Alsat, ka thënë se shteti nuk ka reaguar në kohë për sigurimin e rezervave të caktuara energjetike dhe tani po përballemi me goditje çmimesh, pasiguri dhe krizë. Siç tha ai, konflikti në Ukrainë kontribuon më tej në thellimin e krizës.

“Situata në Ukrainë do të kontribuojë më tej në rritjen e energjisë si dhe në krizën ekonomike në vend. Ne besojmë se vetë shteti duhet të kishte ndërmarrë hapa të rëndësishëm për të siguruar rezerva,” tha Manaskov.