Mançester Junajted, po e rrit “zëvëndësuesin” e Zidanit

Zinedin Zidan mund të konsiderohet si një nga lojtarët më të mirë që ka parë bota e futbollit. Ylli francez ka lënë gjurmë në sportin e bukur, si lojtar me magjinë e tij, por së fundmi edhe si trajner.

Por një Zidan i ri mund të rikthehet përsëri në fushë, me emër e me stil të njëjtë si ish-legjenda e Real Madridit. Skuadra e Man. Junajted është duke e rritur Zidan Ikbal, 19 vjeçarin me prejardhje nga Iraku.

Futbollisti i lindur në vitin 2003 luan pozitën e mesfushorit qendror dhe aktualisht është pjesë e skuadrës U23 të “Djajve të Kuq”.

Trajneri i ri i Junajtedit, Erik Ten Hag, i ka dhënë një mundësi duke e përfshirë në listë për ndeshjet përgatitore para fillimit të sezonit të ri. Zidan Ikbal, e ka mundësinë që të tregoj, përveç emrit edhe talentin e tij.