Mariçiq: Maqedonia e gatshme të fillojë procesin e skriningut

Zëvendëskryeministri për çështje evropiane, Bojan Mariçiq, para fillimit të sotëm të procesit të skriningut në profilin e tij në Fejsbuk ka dërguar mesazh se gjithçka është gati për fazën e ardhshme të integrimeve evropiane dhe se ekipi i Maqedonisë është i gatshëm për hapjen e procesit të skriningut.

“Negociatat janë të hapura. Sot ne fillojmë një fazë të re të rrugës së integrimit evropian dhe përmbushjes së qëllimit tonë strategjik. Ekzaminimi është një detyrë e rëndësishme për të gjithë ne. Prandaj le të bashkohemi të gjithë rreth kësaj detyre kombëtare dhe ta përfundojmë sa më parë. Ne kemi një bazë të mirë dhe më shumë vullnet dhe kapacitet për ta bërë këtë”, ka shkruar Mariçiq në profilin e tij në Facebook.