Mario Draghi pranon detyrën e kryeministrit në Itali

Mario Draghi ka pranuar të marrë postin e kryeministrit të Italisë dhe pritet që të formojë qeverinë e re. Ai u prit nga presidenti Sergio Mattarella ditën e sotme dhe zhvilloi një takim që zgjati rreth një orë e 10 minuta, njoftojnë mediat italiane. Në përfundim të saj, u shpreh: “Falenderoj Presidentin e Republikës për besimin që më ka dhënë. Është një moment i vështirë. Triumfi përballë pandemisë dhe përfundimi i fushatës së vaksinimit janë sfidat me të cilat do të përballem. Ne kemi mundësinë të përdorim burimet e vëna në dispozicion nga BE. Unë besoj se nga konfrontimi me palët dhe grupet parlamentare, dialogu me forcat shoqërore mund të sjellin unitet dhe bashkë me të mundësinë e dhënies së një përgjigje pozitive ndaj kërkesës së Presidentit të Republikës për të drejtuar një qeveri të re”.

- Advertisment -

Kujtojmë se para disa ditësh, Conte paraqiti vendimin për të dhënë dorëheqjen para presidentit Mattarella.

Giuseppe Conte është përballur me kritika të mëdha për trajtimin e bërë pandemisë së koronavirusit prej të cilës kanë humbur jetën më shumë se 85,000 italianë. Giuseppe Conte, kryeministër që nga viti 2018, i mbijetoi një mocioni mosbesimi. Votimi u thirr ish-kryeministri Matteo Renzi, i cili e tërhoqi partinë e tij nga koalicioni.

LEXO EDHE:

Back to top button