Maunt: I lumtur që do të punojë me Ten Hag-un

Mejson Maunt është lojtari më i ri i Mançester Junajtedit. “Djajtë e Kuq”, do t’i paguajë Çellsit plot 65 milionë euro dhe 6 milionë euro të tjera në formë të bonuseve. Pas prezantimit Maunt u shpreh i lumtur me transferimin e tij në ‘Old Trafford’.

“Jam shumë i emocionuar që do të punoj nën Erik ten Hag. Nuk është kurrë e lehtë të largohesh nga klubi ku je rritur, por Man. Junajted do të ofrojë një sfidë të re emocionuese për fazën tjetër të karrierës sime. Mezi pres të jem pjesë e përpjekjes së këtij grupi për të fituar trofe të mëdhenj”, ishin fjalët e para të Mount në fanellën e ‘Djajve të Kuq”.

The excitement is mounting.

🕚#MUFC pic.twitter.com/OdNuN0sU7a

— Manchester United (@ManUtd) July 5, 2023

Futbollisti 24-vjeçar do të nënshkruajë një kontratë pesëvjeçare në “Old Trafford” me një opsion rinovimi për një vit tjetër. Ai do të fitojë 250,000 funte në javë te Juanjtedi, potencialisht duke u rritur në 300,000 funte në javë në varësi të paraqitjeve.

Është një rritje gjigante e pagës për reprezentuesin anglez, i cili fitonte “vetëm” 80,000 funte në javë te Çellsi.