Me pesë medalje, ekipi i xhudos niset drejt Kosovës
Ekipi kosovar i xhudos i ka mbyllur garat në Lojërat Mesdhetare “Oran 2022”, ndërsa tani kanë marrë rrugën drejt kthimit në Kosovës.
Edhe kësaj radhe sukseset nuk munguan për xhudistët kosovar, të cilët arritën të fitojnë plot pesë medalje nga ky sport, nga të cilat tre ishin të arta dhe dy të bronztë. E arta Olimpike, Distria Krasniqi, arriti që në kategorinë e saj deri në 52 kilogramë të fitojë medaljen e artë, njëjtë sikurse Laura Fazliu në kategorinë deri në 63 kilogramë, dhe Loriana Kuka në kategorinë deri në 78 kilogramë.
Ndërkaq, me medalje të bronztë nga Lojërat Mesdhetare “Oran 2022” rikthehen Akil Gjakova, i cili garoi në kategorinë deri në 73 kilogramë, dhe xhudistja Flaka Loxha, e cila garoi në kategorinë deri në 57 kilogramë.
