Më shumë se 1000 persona të arrestuar pas trazirave në Britaninë e Madhe

Autoritetet britanike arrestuan më shumë se 1000 njerëz pas trazirave, të cilat përfshinin dhunë, zjarrvënie dhe plaçkitje, si dhe sulme me motive racore ndaj myslimanëve dhe emigrantëve, raportuan mediat britanike, duke cituar një deklaratë nga policia e Mbretërisë së Bashkuar.

Trazirat që pasuan vrasjen e tre vajzave në qytetin verior anglez Southport nisën pas sulmit të 29 korrikut, për të cilin gabimisht u fajësua një emigrant mysliman bazuar në dezinformatat e përhapura në internet.

Dhuna ka shpërthyer në shumë qytete në të gjithë Anglinë, si dhe në Irlandën e Veriut, por përplasjet me forcat e rendit janë tani më të pakta se javën e kaluar, ndërsa përpjekjet e policisë për të identifikuar personat e përfshirë po rriten.