Mediat spanjolle i bëjnë jehonë paraqitjes fantastike të Muriqit

Ylli kosovar Vedat Muriqi ishte i papërmbajtshëm në fushë kundwr Realit, duke arritur të realizoj edhe një gol shumë të bukur me kokë. Përveç golit Muriqi ishte rreziku kryesor për “Los Blankos”, derisa në fund të ndeshjes e nxjerri nga loja edhe Ferland Mendin me karton të kuq.

Prizrenasit në fund i takoi çmimi lojtari i ndeshjes, edhe pse në fushë ishin edhe yjet më të mëdha botërorë si Kilian Mbape, Vini Jr, Xhud Belingam apo Rodrigo. Mediat e ndryshme në Spanjë i kanë bërë jehonë paraqitjes fantastike të Vedat Muriqit dhe Mallorcas ndaj Realit.

“Muriqi i vendos kufijtë Real Madridit” ishte titulli i të përditshmes spanjolle “Marca” që vazhdoi më poshtë.

“Majorka shkatërroi algoritmet që i dhanë Madridit trofeun e ligës para se të fillonte sezoni i ri. Përballë fantazisë së Rodrigos dhe BMV-së (Belingam, Mbape dhe Vini Jr), mjaftuan “çadrat” anësore dhe Muriqi për të vënë kampionin në vend të tij”, ka shkruar ndër të tjera “Marca”.

“Majorka e Muriqit hakon Real Madridin dhe i jep atyre tronditjen e parë”, ka shkruar gazeta “Sport.es”.