Mesi dhe Ronaldo do të përballen më 1 shkurt në Arabinë Saudite
Lionel Mesi dhe Kristiano Ronaldo do të përballen përsëri, ndoshta për herë të fundit në karrierë. Inter Majami konfirmoi se do të marrë pjesë në “Riyadh Season Cup”, një lajm që ishte paralajmëruar edhe nga zyrtatët sauditë më 21 nëntor, në kuadër të fazës parasezonale të klubit amerikan.
Inter Majami do të luajë me Al-Hilal më 29 janar 2024, ndërsa më pas, më 1 shkurt do të përballet me Al-Nassrin e Ronaldos, i cili aktualisht është golashënuesi më i mirë në Saudi Pro League.
