" "
Skuadra e Barcelonës arkëtoi trofeun e Kupës së SPanjës, pasi që në finale mundi Atletik Bilbaon me 4-0. Pjesa e parë përfundoi pa gola ndonëse në 17 minutat e parë, Barcelona kishte 89% posedimin e topit dhe bëri 197 pasime.
Në pjesën e dytë, Barça ishte tejet efikase në fushë duke shënuar gola të shpejtë. Fillimisht, ishte Antoan Grizman shënoi në minutën e 60, për të zhbllokuar rezultatin. Dhe pas vetëm tre minutash, Frenki de Jong dyfishoi epërsinë për “blaugranët”. Pastaj në skenë doli Mesi që shënoi dy gola radhazi. Golin e pare e shënoi në minutën e 68, ndërsa katër minuta më vonë, vulosi fatin e kësaj përballje, për të sjell titullin e 31 në Kupën e Spanjës.
