Micksoki: Akoma ska vendim final për parkingu në Qendrën Klinike Nënë Tereza

Kryeministri Hristijan Mickoski tha se bazuar në një studim fizibiliteti, është marrë vendimi që parkingu në Qendrën Klinike Nënë Tereza të menaxhohej nga një operator privat, por theksoi se nëse opinioni do të ishte kundër tij, një marrëveshje e tillë nuk do të nënshkruhej në fund. Kryeministri, duke iu përgjigjur pyetjes së një gazetari, tha se pronari aktual i parkingut – Parkingu i Qytetit Shkup, nuk ka kapacitet për të sjellë rregull në bllokimin e krijuar nga parkimi dhe për këtë arsye Qeveria ka marrë masa për ta zgjidhur atë. Në tenderin për përzgjedhjen e një kompanie për të menaxhuar parkingun në Qendrën Klinike u paraqit vetëm nga një kompani nga Shqipëria, e cila ofroi një çmim prej 50 denarësh në orë, por kontrata me qeverinë ende nuk është nënshkruar.

“Vendimi merret në bazë të studimit të fizibilitetit, studimi i fizibilitetit ka treguar ashtu. Nuk mund të shkojmë kundër studimit të fizibilitetit. Së dyti, është publikuar shpallje, ka aplikuar vetëm një kompani, megjithëse kriteret janë mjaft të gjera. Së treti, asgjë nuk është nënshkruar, asgjë nuk ka përfunduar. Ne dëgjojmë opinionin, nëse opinioni është i pakënaqur me gjithçka që kam thënë më parë, e kjo është në përputhje me ligjin, kjo nuk do të thotë se do të nënshkruhet kontratë. Nuk ka vendim të Qeverisë, nuk është nënshkruar marrëveshje. Nëse opinioni thotë se nuk duam, nuk do ta nënshkruajmë”, deklaroi Hristijan Mickoski. /Alsat.mk