Mijëra të evakuuar në Itali pas shirave të dendur

Disa mijëra njerëz janë detyruar të evakuojnë shtëpitë e tyre për shkak të shiut të dendur në veri të Italisë.

Në Bolonja dhe zonat përreth, mbi 2 000 banorë e kaluan natën në strehimoret emergjente ose me familjen dhe miqtë. Disa rrugë janë zhytur në ujë dhe një 20-vjeçar vdiq në makinën e tij mes përmbytjeve.

Rajoni Emilia-Romagna, është goditur nga stuhitë që kanë shkaktuar dëme të vlerësuara në disa milionë euro.