Mikel Arteta: Nuk më gëzuan 3 golat e shënuar, por…
Skuadra e Arsenalit fitoi 3-0 në fushën e Fulham dhe shkon sërish në +5 pikë ndaj Mançester Sitit në renditjen e Premier Ligës. Trajneri Mikel Arteta u shpreh për mediat se është i kënaqur nga rezultati.
“Janë 3 pikë të arta për renditje dhe jam i kënaqur. Realizuam 3 gola jashtë fushe dhe kjo është e rëndësishme. Gjithsesi, ajo që më kënaq më shumë është se nuk pësuam gol dhe kjo ishte gjëja që e kërkova me ngulm para ndeshjes. Ndaj, përgëzoj skuadrën për paraqitjen në fushë”, tha Arteta.
Trajneri spanjoll pranon se golat e njëpasnjëshëm në 5 minuta vendosën shumë për fatin e ndeshjes.
“Pas golit të anulluar nuk u tërhoqëm, por vijuam të sulmojmë dhe shënuam sërish. Pas barazimit në Europa League ishte e rëndësishme të mos pësonim gol, ndaj kjo fitore e pastër më kënaq”, tha Arteta.
