Milani dhe Barcelona në garë për futbollistin me koston zero

Skuadra e Milanit ka një plan të qartë për të sjellë në Serie A mbrojtësin e krahut të majtë Huan Miranda, që luan me Betis Sevilja në Spanjë. Kontrata e tij me skuadrën spanjolle skadon verën e ardhshme. Pra, Milan synon të bëjë një goditje të fortë me koston zero në merkaton e verës së ardhshme, për një lojtar të ri, 23 vjeç dhe me shumë perspektivë. Gjithsesi, për “kuqezinjtë” nuk ka për të qenë shumë e lehtë të bindin lojtarin.

Për Mirana është interesuar edhe Barcelona, që kërkon të sigurojë shërbimet e lojtarit. Sipas “Rilevo”, të dyja klubet kanë nisur kontaktet me menaxherin e lojtarin, ndërkohë që shanset e një rinovimi me Betis Sevilje janë thuajse zero.

Huan Miranda është rritur te moshat e Barcelonës dhe kjo mund të favorizojë skuadrën katalanase në këtë garë. Gjithsesi, Milani ka gati një ofertë të mirë financiare për mbrojtësin, me shpresën që ta sigurojë që në janar.