Ministria e Mbrojtjes e Rusisë: Një dron u përplas në një ndërtesë në Moskë dhe dy të tjerë u qëlluan
Ministria e Mbrojtjes e Rusisë: Një dron u përplas në një ndërtesë në Moskë dhe dy të tjerë u qëlluan
![](https://alsat.mk/wp-content/uploads/2021/07/Rusia1-1-780x470.jpg)
Një dron u përplas në një ndërtesë në lagjen e biznesit të Moskës dhe dy të tjerë u qëlluan nga mbrojtja ajrore ruse pranë kryeqytetit.
Askush nuk u lëndua nga sulmi i kryer mbrëmë, tha Ministria ruse e Mbrojtjes. Raportohet se dronët ishin ukrainas. Deri më tani, nuk ka asnjë reagim nga Ukraina. Ministria ruse e Mbrojtjes tha në një deklaratë se një dron u përplas me një ndërtesë në ndërtim në Moskë, duke shkaktuar dëme të vogla.
– Dy drone u rrëzuan në rrethet Mozhaisky dhe Khimki në rajonin e Moskës, pra në jugperëndim dhe veriperëndim të kryeqytetit të Rusisë, njoftoi Ministria e Mbrojtjes.
Të katër aeroportet e Moskës ndaluan përkohësisht funksionimin, por tani po funksionojnë përsëri, tha një zyrtar i autoriteteve. Autoritetet ruse njoftuan dje se mbrojtja ajrore e vendit rrëzoi katër dronë ukrainas pranë kryeqytetit dhe në rajonin Bryansk, i cili kufizohet me Ukrainën.