15 дена од убиството на Данка Илиќ, а телото се’ уште го нема

Потрагата по телото на убиената Данка Илиќ (2) се уште трае, а додека полицијата се обидува да го пронајде местото каде што го однеле убијците, осомничениот Дејан Драгијевиќ во сведочењето тврди дека не се сеќава на точната локација.

Адвокатот Радомир Мунизаба за „Блиц“ објаснува кои се можните исходи од ова страшно злосторство, во случај телото никогаш да не биде пронајдено.

На прашањето дали е можно да се гонат осомничените за убиството на Данка Илиќ врз основа на собраните докази и покрај тоа што телото на Данка Илиќ не е пронајдено, адвокатот одговара дека тоа е теоретски можно.

„Обвинителството врз основа на сите докази досега може да ги процесуира осомничените, пред се, ако се земат предвид ДНК трагите на Данка Илиќ од автомобилот и во внатрешноста на автомобилот кои се пронајдени, врз основа на утврденото време и место каде детето последен пат било видено, а и врз основа на признанијата на осомничените“, изјави адвокатот за „Блиц“.

Се поставува прашањето што ќе се случи во самата истрага доколку осомничените ги сменат изјавите во кои го признале делото и детално го опишале.