Јанис Адетокумбо не ја исклучи можноста по завршувањето на сезоната 2023/204, која ќе стартува во ноември да го напушти клубот. Адетокумбо целата своја НБА кариера, од 2013 година, ја помина во Висконсин.
Со Бакс, тој ја освои и титулата во НБА во 2021 година, прва по 50 години и ерата на Карим Абдул-Џабар. Сепак, тој најави дека би можел да го напушти тимот доколку добие поголема шанса повторно да стане шампион.
„Јас сум Милвоки Бак, но што е најважно, јас сум победник. Доколку постои подoбра ситуација да го освојам трофејот Лери О’Брајен (НБА трофејот), морам да ја прифатам“, рече Јанис.
Од лани за грчкиот кошаркар се шпекулира дека кариерата би можел да ја продолжи во Голден Cтејт Вориорс.
