Арифи: Пред 8 години имаше цели населби кои немаа вода

Кандидатката на ДУИ за уште еден мандат за градоначалник на општина Тетово, Теута Арифи, во емисијата „200“ на Алсат, рече дека пред осум години имало цели населби без водоснабдување, тврдејќи дека за време на мандатот се работело напорно за да се изгради главниот градски водовод и филтрациона станица.

Арифи ветува дека ќе продолжат со инвестиции во водоснабдувањето

„Она што сакам да ве потсетам е дека пред 8 години имаше цели населби кои немаа водоснабдување. Работевме напорно и инвестиравме многу во оваа насока, градејќи го главниот водовод на градот и филтрационата станица, а продолжуваме и сега, со други краци на овој водовод. Денес зборуваме за дефекти во водоснабдувањето, а не за недостиг на вода“, рече таа.