ФУДБАЛ
Барселона го освои Купот на Шпанија
Барселона е освојувач на Купот на Шпанија, откако во финалето го совлада Атлетико Билбао со 4:0. По првото полувреме без голови, во 60 тата минута Антоан Гризман го отвори резултатот, по што Де Јонг зголеми на 2:0. Следниот беше Лионел Меси кој постигна два гола по ред за да го обезбеди трофејот за Барселона. Ова беше 39 титула во Купот на Шпанија за каталонскиот тим и прва по 2018. Потсетиме дека ова е прв трофеј за тренерот Роналд Куман, кој по натпреварот, соопшти дека Барселона ќе се бори до крајот на сезоната за титулата во Ла Лига.