Многумина ќе се согласат дека ништо не може да ја освежи просторијата, како климата уредот, која многу луѓе ја имаат во своите домови. Сепак, познато е дека вашиот летен другар не е толку добар за вашето здравје, доколку се користи многу и не се внимава.
Во климатизираните простории, воздухот обично не е доволно влажен, што негативно влијае на слузницата на респираторниот тракт. Ова може да доведе до сушење на кожата и мукозните мембрани, што дополнително може да предизвика воспаление на горниот респираторен тракт.
Ова воспаление најчесто се манифестира со кашлица, чешање и болки во грлото. Во најтешкиот случај, ова воспаление може да доведе до интензивно кашлање и општа непријатност во органите за дишење и кај астматичари.
Климата е исто така една од водечките причини за легионерска болест. Оваа болест е предизвикана од бактеријата Легионела, која преживува и се развива на температура меѓу 30 и 37 степени. Со вдишување воздух, оваа бактерија стигнува до човечките бели дробови.
Кога некое лице ќе се зарази со легионела, се појавуваат симптоми како треска, болки во мускулите и кашлица. Малку поголем ризик од инфекција имаат луѓето кои генерално се борат со респираторни проблеми, хронично болните, лицата со ослабен имунолошки систем, постарите лица и децата.
Иако ова може да звучи страшно, експертите сметаат дека нема место за паника и дека одржувањето на клима уредот е доволна превенција. Потребно е целосен сервис да се прави еднаш годишно а доколку се користи и за греење во текот на зимата два пати.
Запомнете дека е неопходно температурата во просторијата да биде оптимална и не премногу ниска.
