Бугарскиот претседател најави предвремени избори за парламентот на 9 јуни

Бугарскиот претседател Румен Радев во вторникот назначи привремена влада предводена од Дмитри Главчев и го одреди 9 јуни за датум за предвремени избори, соопштија од кабинетот на претседателот.

Парламентарните избори ќе се одржат во исто време со изборите за бугарски пратеници во Европскиот парламент, се додава.

Мора да бидеме гарант на стабилноста, не смееме да дозволиме нашата земја да биде во уставна криза, да биде заложник на партиските амбиции и желби“, рече Главчев на церемонијата на примопредавање на власта.