На Светскиот ден на храната, граѓаните се жалат на квалитетот на производите. Велат дека за разлика од порано, на пазар има сѐ повеќе овошја и зеленчуци со сомнителен квалитет и без вкус.
„Немаат нормален вкус, обично краставиците на пролет и на есен. Купуваме, но немаат некој вкус“, реагираат потрошувачите.
Професорот на Факултетот за прехранбена технологија на Универзитетот во Тетово, Ерхан Сулејмани вели дека слабиот квалитет на производите се должи на прекумерната употреба на хемикалии.
„Нормално, има врска и со пестицидите, така што има голем број фактори, затоа споменав дека тоа е проширена сфера, многу фактори влијаат. Покрај пестициди, имаме и микроорганизми, односно болести кои се пренесуваат преку храна, каде приближно 200 видови микроорганизми или болести можат да се пренесат преку храна“, изјави Ерхан Сулејмани Продекан на Факултетот за прехранбена технологија и храна.
Докторот Валон Асани вели дека цената што ја плаќаат граѓаните поради неквалитетна храна, е висока.
„Отсекогаш сум пренесувал порака дека луѓето треба да избегнуваат брза храна (фаст фуд) и да избегнуваат храна која содржи хормонски масти, бидејќи секој ден во европските апели среќаваме многу слаб квалитет на храна и вештачка храна со хормони за да бидат попродуктивни, тоа може да изгледа многу добро, но по квалитет е многу лошо. Ќе ги видиме последиците од ова сега и во иднина“, рече Валон Асани, лекар.
Според доктор Асани, поради употребата на неквалитетна храна, бројот на дебели деца со различни хормонални проблеми е значително зголемен.
Башким Сулејмани
